lomo lca 跳飛機

相機 : lomo lca
菲林 : Lomography X-Pro Slide 100, e沖c

好耐冇更新過個網誌喇, 有少少對唔住訂閱既朋友, 講聲唔好意思先.

金 融海潚殺到埋身, 作為打工仔既我每日返工都戰戰兢兢, 雖然公司應該唔會裁員, 但返工都要打醒12分精神, 小心駛得萬年船, 仲要唔好希望年底有人工加, 果 5 % 真係發夢諗下好喇. 所以諗返轉頭, 做小朋友, 做學真係好幸福, 只要專心學業, 其他既問題都有父母幫手解決, 幾開心.

雖然事隔左十幾廿年, 但細細個既事, 某d 仲記得好清楚, 放學返屋企, 做完功課 (被迫), 就同同學仔, 朋友仔玩. 細細個玩既野, 同而家d 細路真係好唔同. 而家果d, 玩online game, nds, psp, 高科技野. 我果陣, 彈下波子, 拍下貼紙, 跳下飛機, 玩捉, 跌跌撞撞, 一樣咁開心. 希望呢個記憶, 永遠都唔會忘記, 到時同我d 仔仔女女孫孫, 一定好有趣.

係 google 搵返呢首兒歌, 大家仲記唔記得點唱 ?

天空海闊任鳥飛 小小天地跳飛機
大眾一齊唱首歌 開開心心真有趣

活潑聰明讀下書 天天寫字笑嘻嘻
大眾一齊跳飛機 一二三到你

lomo lca 麗星處女高雄遊 (一)

相機 : lomo lca
菲林 : Lomography X-Pro Slide 100, e沖c

因為小弟工作既公司麗星遊輪有關係, 可以唔駛錢上去玩. 所以兩個星期放左三日假, 上左處女星號玩, 3 日兩夜, 其中第二日我地去左台灣既高雄, 仲影左好多相, 我會一連幾集重複又重複咁送上照片俾大家睇.

至於係遊輪上面有乜玩, 其實都有好多既, 你諗倒既都應該會有, 但駛唔駛錢, 就真係要睇睇喇, 夜晚會有表演睇, 仲有魔術, 都好好睇架. 野食方面就包你早, 午, 晚同宵夜4 餐, 真係食都食到你死, 瘦仔上去都變肥仔返黎.

上遊輪玩同坐飛機去旅行其實都差唔多價錢, 但未試過既朋友都可以一試, 因為真係唔同感覺, 一起身就望倒一望無際既海洋, 行出露台或身上甲板, 感受下陽光, 海風, 另一種感覺, 你會覺得個人好鬼放鬆, 放鬆再放鬆........

睇下船上既相先啦.

lomo lca magic moment

相機 : lomo lca
菲林 : Lomography X-Pro Slide 100, e沖c

大家一睇張相, 係咪好似好熟呢, 乜又係影住隻船, 又係影住個海. 大佬, 我想架咩, 鬼叫我係尖沙咀返工咩, office 又望倒個海, 自然影得多啦. 不過其實今次有少少唔同, 因為今次唔係係office 架, 係商場睇架. 哈哈. 其實重點係d 雲折射出黎既陽光, 呢個直情係影相既 magic moment, 但小弟功力有限, 相片同真正情況我諗有 10 倍既差別. 如果用數碼相機可能好少少.

但我只有 lomo 係身. 學星爺係零零漆果句 "作為一個刀客, 刀不離身" 我係 "作為一個lomo 友, lomo 不離身". 唔好意思, 數碼相機唔計.

p.s 星期六過馬交, 買唔倒 CT100, 點算好呢? 唔通要去上環 lomography?

因 為 lomo 既關係, 認識左一位德國朋友. 大家傾左d lomo 心得. 發現左沖晒費同 hk 都差幾遠, 我地 e沖c 出相連 cd, 都係 40 幾蚊, 大家不如估下, 係德國, e 沖c出相(冇CD), 要幾多錢港元. 估中....................雖然無奬, 但大家都估下啦, 下次開估.

lomo lca 書展

相機 : lomo lca
菲林 : Lomography X-Pro Slide 100, e沖c

upload 返去書展影既相, 今年一行 4 人去, 大家睇下相都知, 真係好鬼死多人. 今年同女友加加埋埋買左幾本書, 其中仲有 yahoo blogger 既書 :
蕭愷一 - 英文由 F 字學起
小琳 - 喂! 我仲未死o架!

第 3 本就係講國內 IT 界狂人
阿里爸爸來了, 馬雲的 80% 成功學.

因為小弟自己都係 IT 界入面打滾, 所以都想向呢位狂人學習一下.

唔知幾時會有 yahoo blog 既 lomo 友可以俾出版商睇中出書呢, 如果有, 記住送一本俾我呀, 仲要有親筆簽名架. 各位 blog 友又有冇去書展買書呢?



blogger : http://ilovelomolca.blogspot.com/
yahoo tw: http://tw.myblog.yahoo.com/ilove-lomolca
yahoo hk: http://hk.myblog.yahoo.com/iam-samsam

lomo lca 長洲2

相機 : lomo lca
菲林 : Lomography X-Pro Slide 100, e沖c

再放埋上次去長洲d 相, 因為分開左兩筒菲林黎影, 今日先拎埋呢d, 所以攪到而家先放上黎, 仲要係第一次用既: Lomography X-Pro Slide.呢隻菲林比起 CT100 更藍dd, 鐘意藍色色調既朋友就一定要試一試喇, 微粒粗幼就差唔多, 你當佢係藍d 既 CT100啦.

今日更新左blog 既自我介紹:
出街五寶,銀包,電話,鎖匙,八達通, 仲有.........lomo lca, 係咁影呀影.

大家出街又有幾多寶呢?



blogger : http://ilovelomolca.blogspot.com/
yahoo tw: http://tw.myblog.yahoo.com/ilove-lomolca
yahoo hk: http://hk.myblog.yahoo.com/iam-samsam

lomo lca badminton

相機 : lomo lca
菲林 : Kodak professional elite chrome 100, e沖c

因為 奧運既關係, 康文署既羽毛球場呀, 籃球場呀, 泳池都唔駛錢俾大家用, 其實都係好事黎既, 唔駛錢丫嘛. 但就苦左我地一班個個week 都book 場打波既朋友, 因為唔駛錢既關係, d 場一早俾人book 晒, 冇可能可以book 倒場. 唯一可以運動既, 打羽毛球既機會都冇左, 算啦, 唯有等到 10 月啦. 你知啦, 日日返工冇運動, 肚腩多左幾節肉呀.

講起羽毛球, 其實小弟細細個都打得ok, 中學仲參加過學界既團體比賽, 雖然win 唔倒, 但諗返起一大班人一齊練波都真係幾開心既. 中四五之後就冇打喇, 改行打籃球. 係呢一年先開始打返. 另一方面中三時間辛苦儲錢買既羽毛球拍, 早輪俾我打爆左, 人生第二次打爆拍呢, 係時候睇下買過塊新喇



blogger : http://ilovelomolca.blogspot.com/
yahoo tw: http://tw.myblog.yahoo.com/ilove-lomolca
yahoo hk: http://hk.myblog.yahoo.com/iam-samsam

lomo 綠葉

相機 : lomo lca
菲林 : 唔記得

超耐冇update 過個blog, 真係同d 網友同訂閱左既朋友聲唔好意思.

講講我自己呢輪有乜攪作啦. 早排因為日日掛住睇奧運, 都忘記左update. 完左奧運又成日唔記得拎菲林去晒相, 攪到冇相update. 今日終於的起心肝拎相去晒, 星期一就有相啦, 大家等我呀.

送上舊相一張.


blogger : http://ilovelomolca.blogspot.com/
yahoo tw: http://tw.myblog.yahoo.com/ilove-lomolca
yahoo hk: http://hk.myblog.yahoo.com/iam-samsam

lomo lca 港姐

相機 : lomo lca
菲林 : Agfa CT Precisa 100

今年港姐不知不覺又選左出黎, 都真係唔知乜水打乜水, 剩係知好高, 屋企好有錢果個win 左, 仲話係做馬, 都真係廢事理佢咁多. 我心目中已經有一位港姐喇 (香港其中一位小姐嘛, 壞 gag), 哈哈.

狗仔隊 : 喂, 有發現, 港姐會男友偷情, 快d 黎影相.

快d 遮住塊面呀. 再影拆你菲林, memory card.


blogger : http://ilovelomolca.blogspot.com/
yahoo tw: http://tw.myblog.yahoo.com/ilove-lomolca
yahoo hk: http://hk.myblog.yahoo.com/iam-samsam

lomo lca GTR之迷

相機 : lomo lca
菲林 : Fujifilm T64

係公司可以望倒維港既景色, 天氣咁好梗係要影返幾張啦, 你話我悶我都係照影架喇. 今次唔係想講個天色係幾靚而家我發現海港城頂個露天停車場, 成日泊左一架新款, 車價成百萬既戰神GTR. 我成日諗, 有架咁既靚車, 都應該襯返d 公子哥兒, 車下d 靚女去high 下 tea 呀, 得閒冇事去東區走廊走返轉, 所以好想知個車主係咩人, 但邊有咁橋撞見丫.

果日我對住電腦隻眼累累地, 望下窗邊啦, 點知見倒架戰神泊梗車, 我就留心等佢落車啦, 哈, 原來戰神既車主係一個亞叔, 仲要係娘娘地果種, 同每日大陸幾千幾百人黎果d 自由行冇分別. 其實諗諗下都有道理, 要公子哥兒有架呢d 靚車, 一係二世祖, 一係食軟飯. 唔係好難有能力買得起. 加上呢個亞叔咁既衣著一定唔係司機啦, 我係老細一定抄佢. 所以呢個亞叔一定係靠自己買呢架車, 所以, 亞叔好野.

P.S. 幾時自先買倒我架 dream car, 唔通要等到做亞叔 ? Audi RS4 avant 等我. 大家既dream car 係乜?





yahoo hk: http://hk.myblog.yahoo.com/iam-samsam
yahoo tw: http://tw.myblog.yahoo.com/ilove-lomolca
blogger : http://ilovelomolca.blogspot.com/

lomo lca sorry

相機 : lomo lca
菲林 : Fujifilm T64

我和女友都在尖沙咀返工, 我係海洋中心, 佢係九倉電訊, 相隔都唔超過 200m, 真係好多情侶恨都恨唔倒, 放工約去街又方便, 一齊返屋企又得 (我以前同女友住同一條邨, 而家我搬左自己住, 但屋企人冇搬, 所以我地可以坐埋同一架巴士, 佢返屋企, 我返老家食飯), 緣份始終係緣份. 所以我差不多每天也會在這個位置等你放工.

果 日我個人好累, 可能前晚訓得唔好, 我等你等到有d 炆, 心諗, 我好累, 可唔可以快d 落黎, 我想返屋企休息, 但你偏偏要 ot, 我發左你脾氣. 我收 6 點, 你收 6 點 3, 計埋你ot, 其實我只係等左唔夠 30分鐘. 我知你最後冇嬲我, 但我都想同你講返句 - sorry, i love you.



yahoo blog: http://hk.myblog.yahoo.com/zerg0403/

lomo 高球

相機 : lomo lca
菲林 : Fujifilm T64

好耐冇打過golf 喇, 上兩個week屎忽痕同細妹, 同埋佢男朋友, 三個去西頁園藝打波, 真係太耐冇打喇, 本身都唔係好識, 加上太耐冇打, 唔多打倒個波囉, 其實你望落以為好易 "唔係嘛, 咁都打唔中個波, 係咪傻架" 試下你就知喇.

打左一陣都打得好左, 打倒100 碼左右 ( tiger wood 好似 300幾碼). 打完返屋企, 第二日周身骨痛, 你知啦, 打 golf 要個姿勢好好, 仲要hold 住. 不過都真係幾好玩既, 下次再打過.

p.s
睇網友車花話, 菲林要加價啦.

原來高油價唔止令全球通帳, 美股食瀉藥, 本地油價由12 蚊升到而家 17蚊, 仲攪到石油副產品加價. 唔該各國油組增產啦, 講冇用架, 做先得架.

總結, 高油價影響股市, 民生, 仲有........ lomo 發燒友.

lomo lca 迪士尼

相機 : lomo lca
菲林 : Fujifilm T64

上個月入左迪士尼酒店, 參加同事既wedding dinner, 果排日日都落雨, 仲係咁擔心梗果日會唔會落雨呢, 好在果日好好天, 天公造美真係.

同另一個同事坐地鐵入去, 再坐 shuttle bus 入去酒店, 天氣真係好好.



人地影相, 我就幫晒佢地所有人影. haha


黃馮聯婚


我一邊同同事傾計, 新郎哥新娘就走出黎, 我即刻拎起部 lca 影, 不過都慢左, 影倒個背隻咋.


最後祝佢地百年好合, 永結同心啦.

lomo lca 長洲

相機 : lomo lca
菲林 : Fujifilm T64

打八號風球之既果個星期六, 一起身見天氣咁好, 就同臭豬入長洲行下, 其實我地都諗住入去好耐架喇, 但成日都懶, 同成鬼日都落雨, 所以見咁好天, 就決定坐 182 去中環, 再坐船入去.

去 到碼頭o岩o岩好有船, 我地就坐船入去, 比我印象中快, 因為以前讀書入去camp 要坐成粒鐘有多, 可能架船唔同左. 不過果日真係好鬼熱, 成30度, 熱到出晒汗, 不過天氣咁好, 又藍天白雲, 冇所謂啦. 行行下都行左兩個鐘, 再望一望個開船時間就決定走喇, 因為再下架船又要等成粒鐘. 等下年等搶包山再入黎.



p.s 發現個 lca 成日都影唔倒好平, 好似沙灘果張, 影果陣明明對平左條水平線, 但出黎就斜左, 點解會咁架?

lomo lca 扮鬼臉

相機 : lomo lca
菲林 : Fujifilm T64

夜晚點幾兩點同朋友打完麻雀, 見餓餓地兩個人去牛丸大王食返碗粉, 悶悶地又拎起部 lomo lca 出黎玩, 第一張見倒既其實係一塊鏡, 自己拍自己. 仲扮下鬼臉, 香港人其實生活其實太緊張喇, 有時扮下鬼臉, 放鬆下啦, d相如果有咩驚嚇, 令人情緒不安既, 敬請原諒.

P.S. 今次第一次用上 Fujifilm T64, 校左 iso 50 黎影, 所以好多時都著燈話唔夠光, 好多相都因為咁手震唔清. 同埋d 色都係比較偏紅左少少, 呢兩張可能唔覺, 遲左d 放其他相上黎, 你地就知喇, 同埋呢筒野好那貴, 成 50 蚊, 真係冇下次喇, 試完就算.

lomo 緣份

相機 : lomo lca
菲林 : Kodak 100

多年前既一張 lomo 合照, 相中既女子今日仲係我女朋友, 雖然我有時真係唔係咁好, 但你都冇嬲我, 原諒我既過失. 多謝你! 睇返張相隔左年幾兩年, 大家都冇乜變到, 但過多10 年, 20 年, 可能多左個小朋友, 頭髮黑變白 (開始變梗), 到時再拎返呢張相黎睇, 一定有千言萬語.

好多小說, 散文, 網友都講好男女關係既書, 咩水星人, 火星人大家一定就算未睇過都會聽過書名, 我自問文采其差, 但都想講講, 其實兩個人可以相遇, 其實都已經有難度, 香港有成 7 百萬人, 要相遇, 再認識, 再對大家都有好感, 仲係要雙方面既好感, 大家可以走埋一齊, 可能由一千幾萬個巧合組成, 呢一條 probability 真係唔識得點計, 總之我信緣份呢兩個字.

婆媽野唔講太多, anyway, i love you.


p.s
路過既你, 都不妨寫低你對 "緣份" 呢兩個字既感覺.
另祝未搵倒另一半既快d 搵倒, 搵倒既就要珍惜眼前人.

lomo 鬼異

相機 : lomo lca
菲林 : Kodak professional elite chrome 100, e沖c

今日 竟然唔知醒起身返工, 返 9 點既我, 8 點半先起身, 即係彈起身刷牙洗面洗頭, 仲行去坐馬鐵, 因為平日坐巴士好舒服, 有得休息下, 真係好趕先會坐馬鐵, 由第一城去到大圍, 再由大圍去到尖東, 再急步行返去office, 結果最後我遲左 半個鐘, 9 點半先返到 office. 好彩老細飛返左新加坡, 唔係就大獲喇.

呢張多年前既相d 顏色真係幾鬼異, 真係見鬼電影果d poster 既顏色咁. 不幸入面既正是我, 哈哈. 我發現唔同沖印鋪, 出黎既效果都好唔同, 如果你去開果間既色水唔係咁o岩你, 不妨去多一兩間, 試到自己o岩心水為止.

如果朝早坐馬鐵係咁少人, 我應該唔會再坐巴士!

lomo 巴士

相機 : lomo lca
菲林 : AGFA precisa 100, e沖c

日日落雨, 坐巴士既就想快d 有車, 快d 上車, 一來避雨, 二來返左成日工, 都想快d 返屋企休息一下啦. 坐巴士就鐘意就係坐車頭, 可能你會話 "咁危險" 因為之前有好多意外, 坐車頭既都容易有傷亡, 但我就少理咁多. 好多人放工坐車就會訓, 但我反而鐘意四圍望下, 雖然日日都係行果條線, 但我都係鐘意.

呢兩張相就係坐梗巴士上層車頭位影.

lomo 樣衰阿闊

相機 : lomo lca
菲林 : AGFA precisa 100, e沖c

近排臭豬愛上左呢對公仔, 佢地叫多黛同阿闊. 佢話有對兔仔牙既阿闊似我, 其實佢全名對樣衰阿闊, 似我 ? 唔好掛.

果 日亞媽無啦啦打電話俾我, 原來佢好好咁又過黎我屋企幫我打掃, 佢問我 "喂, 疏化上果兩隻公仔邊個買架? 我咪話臭豬囉, 佢就話 "都幾攪笑喎果兩隻野", 而家香港人都唔知咩心態, 得意既野有人鐘意, 但樣衰既一樣可以殺出一條血路. 做人就係咁, 好多野唔係一定既, 有時要 think outside the box.

lomo star

相機 : lomo lca
菲林 : AGFA precisa 100, e沖c

叫臭豬拎起個上次家姐結婚時送俾客既贈品, 閃閃玫瑰花, 係咁畫星星, 畫呀畫呀. 10 零秒後就後出一張咁相. 攪笑既係.

臭豬係咁問我 : 停得未呀, 隻手冇力喇 !
我 : 未呀, 畫多幾下先啦.........
臭豬 : 停得未呀...
我 : 畫多幾下先啦.......................................
臭豬 : .........................

lomo 蒲台島遊記

相機 : lomo lca
菲林 : AGFA vista 100

上個星期六, join 左 hsbc 既活動入蒲台島釣墨魚, 唔願出鏡果位小姐就係hsbc 既員工喇, 係尖沙咀食左少少野之後就準備上船, 好攪笑, 每個人對鏡頭既反應都唔同.



準備上船啦


由於船程都幾長, 要成一個鐘多dd, 結果d 人慢慢開始訓著, 小姐, 最後都係要上鏡架你.



醒喇喂, 就到喇.


跟住我地既節目就係行山睇名勝. 喂, 點解冇人同我講話要行山既, 我果日著住拖鞋, 仲要冇帶衫換, 果日閒閒地都成 30 度, 不過好在都有條手巾. 大家慢慢就沿住山路行上去喇. 留心睇下條人龍, 真係好那長.


靚女, 行山係有蚊咬架喇, 忍下啦, 噴下蚊怕水啦. (平日勁惹蚊既我, 竟然冇咬我)


呢張相應該要cut 走上面d 人.


拎我部相機偷相我, 咁大膽 !


全男班合照.


導遊話呢個 126 燈塔, 係香港最南面既燈塔喎.


夜晚就係蒲台島食風味海鮮, 姐係冇冷氣果隻, 加上我又唔食海鮮, 所以乜相都冇, 夜晚釣墨魚, 全船一條都釣唔倒, 導遊話地震攪到d 墨魚唔知去晒邊, 我就話d 墨魚進化左, 叻左.

回程係船上聚賭既情況 (d 相好唔清囉, 下次要校校個光圈, 個閃光燈同快門一齊開)


最後多謝攪手, 我地應該要多d 呢d 戶外活動, 打少d 麻雀. 咁又健康d, 我又可以影多d 相.