菲林 : Fujifilm T64
打八號風球之既果個星期六, 一起身見天氣咁好, 就同臭豬入長洲行下, 其實我地都諗住入去好耐架喇, 但成日都懶, 同成鬼日都落雨, 所以見咁好天, 就決定坐 182 去中環, 再坐船入去.
去 到碼頭o岩o岩好有船, 我地就坐船入去, 比我印象中快, 因為以前讀書入去camp 要坐成粒鐘有多, 可能架船唔同左. 不過果日真係好鬼熱, 成30度, 熱到出晒汗, 不過天氣咁好, 又藍天白雲, 冇所謂啦. 行行下都行左兩個鐘, 再望一望個開船時間就決定走喇, 因為再下架船又要等成粒鐘. 等下年等搶包山再入黎.
p.s 發現個 lca 成日都影唔倒好平, 好似沙灘果張, 影果陣明明對平左條水平線, 但出黎就斜左, 點解會咁架?
沒有留言:
發佈留言